№ 04 Х А Т Т А М А С Ы
Панфилов ауданының «Е.Сыпатаев
атындағы орта мектеп мектепке дейінгі
шағын орталығымен» коммуналыдық мемлекеттік мекемесі
2019 жылдың 22 сәуірдегі өткізілген қамқоршылық кеңесі отырысының
№ 04 Х А Т Т А М А С Ы
Қатысқандар: мектеп әкімшілігі – 5
Кеңес мүшелері – 9
Күн тәртібінде:
1. Жасөспірімдердің арасындағы құқықбұзушылықтың алдын алуы.
2.Оқушылардың жазғы демалыс кезінде еңбекпен қамтылуы, тсауықтырылуын өз мәнінде ұйымдастыру
Тыңдалды:
Күн тәртібіндегі мәселе бойынша мектеп директорының тәрбие ісі жөніндегі орынбасары С.К. Аиткабылов сөз бастады. «Бүгінгі күнгі қоғамның алдында тұрған басты міндеттердің бірі -балалар мен жасөспірімдер арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу.Құқық бұзушылықты болдырмау мақсатында оқу жылының басынан бері біздің мектебімізде жоспарға сай жұмыстар атқарылып келеді. Оқушылар арасындағы құқық бұзушылық пен қылмыстың алдын алу мақсатында мектепте құқықтық тәрбие мен құқық бұзушылықтың алдын алу жөнінде кеңес жұмыс жасайды. Әр ай сайын кеңес отырысы болып өтеді. Мектепте наркологиялық бекеттер жұмыс істейді. Сонымен бірге, бүгінде мектебімізде бірнеше спорттық үйірмелер жұмыс жасайды. Азаматтың міндеті - заң талаптарын бұзбау, екінші жағынан өзіне жүктелген міндетін орындау. Өйткені заң дегеніміз - өмірдің нәрі. Заңның мықтылығы атында емес, адалдығы мен әділдігінде. Заңды білмеу – құқықтық мәдениеттің елеулі кемшілігі. Заңды білмеу, оны бұзу жауапкершіліктен құтқармайды. Осыған байланысты бүгін мен Сіздер үшін ҚР Баланың құқықтары туралы заңынатоқталып өтсем деймін.» деп ата-аналарға аталған заңға, оның тарауларына тоқталып, түсіндіріп өтті. Сонымен қатар, ата-аналардың баланы күтіп-баптаудағы жауапкершілігі мен міндеттеріне де жеке тоқталып кетті. «Жоғарыда аталған заңды нормативтік құжаттардың мақсаттары мен міндеттерін толық баяндап жеткізуде жастар арасында тәртіп орнату, тұлғалардың дербес жауапкершілігін арттыру, қылмысты болдырмау жолдарын дамытып, жандандыру ол сіздермен біздің бірлесе отырып, яғни мектеп пен ата-ана болып жұмыс жасағанда ғана жүзеге аспақ. Сонда жасөспірімдер арасындағы құқық бұзушылықтар азайып балаларымыз құқылы, дербес ортада өмір сүреді» деп, сөзін аяқтады.
Педагог ұйымдастырушы Н.Б.Акимбекова сөз алып, 2018-2019 оқу жылының қамқоршылық кеңесінің іс-шаралар жоспарына сәйкес оқушылардың жазғы демалыс кезінде еңбекпен қамтылуы, сауықтырылуын өз мәнінде ұйымдастырылатындығын айтып өтті. Сонымен қатар, жазғы демалыс кезінде мектебімізде оқушыларды еңбекпен қамту мақсатында көгалдандыру бригадасы, жас орманшылар бригадасы, жас құрылысшылар бригадалары ұйымдастырылатындығын айтып өтті. Оқушылардың сауықтырылуы мақсатында оқушыларға арналған лагерлер ұйымдастырылатындығын айтты.
Қаулы етті:
- Жасөспірімдер арасындағы құқықбұзушылықтарының алдын алу шаралары ата-аналар тарапынан қатаң назарға алынсын.
- Оқушылардың жазғы демалыс кезінде еңбекпен қамтылуы, сауықтырылуын өз мәнінде ұйымдастырылсын.
Қамқоршылар кеңесінің төрағасы Ж.Д.Керимбеков
Хатшы К.Б.Мырзабаева